प्रस, वीरगंज, १३ भदौ/
वीरगंज उपमहानगरपालिका कार्यालयले जिल्ला प्रहरी कार्यालय, ट्राफिक प्रहरी र सामुदायिक सेवा केन्द्रहरूको सहयोग–सहकार्यमा गत पुस १ गतेदेखि सञ्चालनमा ल्याएको सार्वजनिक अतिक्रमणविरुद्ध अभियान अहिले स्थगितप्राय: बनाएपछि विभिन्न शड्ढा–उपशड्ढा गरिंदैछ ।
पछिल्लोपटक होटल क्राउन प्लाजा रहेको स्थानसम्म सार्वजनिक अतिक्रमणविरुद्ध अभियान सञ्चालन गरेको वीउमनपाले त्यसपछिका दिनमा सार्वजनिक अतिक्रमणबारे कुनै पाइला चालेको छैन ।
वीउमनपाले अदालतमा मुद्दा चलेको भन्दै पछिल्लोपटक चर्चित सार्वजनिक माईराम पोखरी, इनरबाइपासलगायत सार्वजनिक अतिक्रमण हटाउने कार्य रोक्नुपरेको बताएको थियो । तर पर्सा जिल्ला अदालतले गत असार १७ र २४ गरी दुईपटकमा सार्वजनिक माईराम पोखरी अतिक्रमण गर्ने १५ जनाको हकमा अन्तरिम आदेश जारी नगर्ने निर्णय गरेको थियो भने इनरबाइपासको हकमा पुनरावेदन अदालत हेटौंडाले पनि जेठ २३ गते नै अन्तरिम आदेश जारी गर्न नपर्नेगरी निर्णय गरेको थियो । माईराम पोखरी र इनरबाइपासको हकमा वीउमनपाले इन्जिनियर, ओभरसियर, अमिनसमेतको प्राविधिक टोली बनाएर नापजाँच गरी अदालतमा प्रतिउत्तर दिएपछि अदालतले अन्तरिम आदेश जारी गर्न नपर्ने निर्णय गरेको थियो । अदालतको आदेशपछि वीउमनपाले होटल क्राउन प्लाजासरह माईराम पोखरी र इनरबाइपासमा भएका सार्वजनिक अतिक्रमण विरोधी अभियानलाई तीव्रता दिने विश्वास सबैले लिएका थिए । तर वीउमनपाले कहिले के त कहिले के बहाना गरेर सार्वजनिक अतिक्रमणविरुद्ध अभियानलाई थाती राखेको छ ।
वीउमनपाका कार्यकारी अधिकृत दिनेश घिमिरेले अदालतको आदेशपछि सार्वजनिक अतिक्रमणविरुद्ध अभियान चाल्ने घोषणा गरेका थिए । पछिल्लोपटक माईराम पोखरीभित्र एक्साभेटर नचल्ने हुनाले मजदुरहरूको खोजी गरिरहेको र अविलम्ब तोडिने बताएका उनले आज प्राविधिक नापजाँचपछि तोडिने बताए । जबकि सो क्षेत्रको नापजाँच वीउमनपाको प्राविधिकले यसअघि नै गरिसकेको छ । जसको रेकर्ड वीउमनपामा सुरक्षित छ । कार्यकारी अधिकृत घिमिरेले नापजाँच गर्ने बताए पनि नगर प्रहरी इन्चार्ज राजेन्द्र कुर्मी चालक नभएको कारण अभियानले गति लिन नसकेको बताउँछन् । एक्साभेटर चलाउने चालक एकजना अवकाश पाएका र दुईजना तालिमको लागि गएका कारण तोडफोड केही दिनको लागि स्थगित भए पनि आगामी महिनाको पहिलो सातादेखि शुरु हुने उनले बताए ।
सार्वजनिक अतिक्रमणविरुद्ध अभियानमा वीउमनपाले माईराम पोखरी, इनरबाइपास, छपकैया पोखरी र महावीर राइस मिल एरिया खाली गराउन बाँकी छ ।
वीरगंज उपमहानगरपालिका कार्यालयले जिल्ला प्रहरी कार्यालय, ट्राफिक प्रहरी र सामुदायिक सेवा केन्द्रहरूको सहयोग–सहकार्यमा गत पुस १ गतेदेखि सञ्चालनमा ल्याएको सार्वजनिक अतिक्रमणविरुद्ध अभियान अहिले स्थगितप्राय: बनाएपछि विभिन्न शड्ढा–उपशड्ढा गरिंदैछ ।
पछिल्लोपटक होटल क्राउन प्लाजा रहेको स्थानसम्म सार्वजनिक अतिक्रमणविरुद्ध अभियान सञ्चालन गरेको वीउमनपाले त्यसपछिका दिनमा सार्वजनिक अतिक्रमणबारे कुनै पाइला चालेको छैन ।
वीउमनपाले अदालतमा मुद्दा चलेको भन्दै पछिल्लोपटक चर्चित सार्वजनिक माईराम पोखरी, इनरबाइपासलगायत सार्वजनिक अतिक्रमण हटाउने कार्य रोक्नुपरेको बताएको थियो । तर पर्सा जिल्ला अदालतले गत असार १७ र २४ गरी दुईपटकमा सार्वजनिक माईराम पोखरी अतिक्रमण गर्ने १५ जनाको हकमा अन्तरिम आदेश जारी नगर्ने निर्णय गरेको थियो भने इनरबाइपासको हकमा पुनरावेदन अदालत हेटौंडाले पनि जेठ २३ गते नै अन्तरिम आदेश जारी गर्न नपर्नेगरी निर्णय गरेको थियो । माईराम पोखरी र इनरबाइपासको हकमा वीउमनपाले इन्जिनियर, ओभरसियर, अमिनसमेतको प्राविधिक टोली बनाएर नापजाँच गरी अदालतमा प्रतिउत्तर दिएपछि अदालतले अन्तरिम आदेश जारी गर्न नपर्ने निर्णय गरेको थियो । अदालतको आदेशपछि वीउमनपाले होटल क्राउन प्लाजासरह माईराम पोखरी र इनरबाइपासमा भएका सार्वजनिक अतिक्रमण विरोधी अभियानलाई तीव्रता दिने विश्वास सबैले लिएका थिए । तर वीउमनपाले कहिले के त कहिले के बहाना गरेर सार्वजनिक अतिक्रमणविरुद्ध अभियानलाई थाती राखेको छ ।
वीउमनपाका कार्यकारी अधिकृत दिनेश घिमिरेले अदालतको आदेशपछि सार्वजनिक अतिक्रमणविरुद्ध अभियान चाल्ने घोषणा गरेका थिए । पछिल्लोपटक माईराम पोखरीभित्र एक्साभेटर नचल्ने हुनाले मजदुरहरूको खोजी गरिरहेको र अविलम्ब तोडिने बताएका उनले आज प्राविधिक नापजाँचपछि तोडिने बताए । जबकि सो क्षेत्रको नापजाँच वीउमनपाको प्राविधिकले यसअघि नै गरिसकेको छ । जसको रेकर्ड वीउमनपामा सुरक्षित छ । कार्यकारी अधिकृत घिमिरेले नापजाँच गर्ने बताए पनि नगर प्रहरी इन्चार्ज राजेन्द्र कुर्मी चालक नभएको कारण अभियानले गति लिन नसकेको बताउँछन् । एक्साभेटर चलाउने चालक एकजना अवकाश पाएका र दुईजना तालिमको लागि गएका कारण तोडफोड केही दिनको लागि स्थगित भए पनि आगामी महिनाको पहिलो सातादेखि शुरु हुने उनले बताए ।
सार्वजनिक अतिक्रमणविरुद्ध अभियानमा वीउमनपाले माईराम पोखरी, इनरबाइपास, छपकैया पोखरी र महावीर राइस मिल एरिया खाली गराउन बाँकी छ ।
