जाकार्ता, ३० चैत/एएफपी
इन्डोनेसियाको उत्तरी द्वीपको सुमात्रा टापूनजिकै बुधवार गएको भूकम्पमा परी पाँचजनाको मृत्यु हुनुका साथै चारजना घाइते भएको पछिल्लो समाचार प्राप्त भएको छ ।
हिजोको ८.६ रेक्टर स्केलको शक्तिशाली भूकम्पका कारण आचेह प्रान्तको एक पुल भत्किँदा ती व्यक्तिको मृत्यु भएको आज जनाइएको छ ।
आचेह प्रान्तका विभिन्न तीन स्थानमा गरी पाँचको मृत्यु भएको आचेह प्रान्तको विपत् व्यवस्थापन संस्थाका निर्देशकले आज जानकारी दिएको बताइएको छ ।
सो भूकम्पले बान्दा आचेहको प्रान्तीय राजधानीमा रहेको एक कैदी घरको पर्खाल भत्किएको पनि समाचारमा जनाइएको छ ।
त्यस्तै, पश्चिम आचेहमा पनि एक पुल भत्किएको र त्यसमा परी अरू चार व्यक्ति घाइते भएको पनि समाचारमा जनाइएको छ ।
भूकम्पको ठूलो धक्का परेको तीन प्रान्तहरू आचेह, पश्चिम सुमात्रा र उत्तरी सुमात्रामा भूकम्पपश्चात् पर्ने प्रभावलाई कम गर्न आपत्कालीन सहायता वितरणको कार्य तयारी हालतमा राखिएको सो विपत् व्यवस्थापन केन्द्रले जनाएको छ ।
सो भूकम्पपछि एसियाका विभिन्न देशमा हिजै सुनामीको खतराको सतर्कता अपनाइएको थियो । त्यस्तै थाइल्यान्डले सुनामीको मापन नै गरिएको जनाएको थियो भने श्रीलङ्कामा पनि व्यापक मात्रामा सतर्कता अपनाइएको थियो ।
तर साँझदेखि नै सुनामीको खतरा कम भएको समाचार सार्वजनिक गरिएको थियो । इन्डोनेसियामा आएको शक्तिशाली भूकम्पपछि भारतले पनि सुनामीको खतरा रहेको भन्दै सतर्कता अपनाउन सूचना सार्वजनिक गरेको थियो ।
हिजो साँझ भारतको हैदराबादमा रहेको राष्ट्रिय सुनामी पूर्वसतर्कता केन्द्रले एक सूचना जारी गरी हालका लागि भारतमा सुनामीको खतरा नरहेको बताएको थियो ।
सो केन्द्रका अधिकारी एसए किशोरले भारतमा त्यस्तो उच्च सतर्कता अपनाउनुपर्ने अवस्था नरहेको जानकारी दिएका हुन् ।
यसअघि भारत सरकारले सूचना सार्वजनिक गरी हिन्द महासागरको अन्डमान र निकोबारमा सुनामीको खतरा रहेको बताएको थियो ।
त्यसैगरी हिजै साँझदेखि इन्डोनेसिया र श्रीलङ्काले पनि सुनामीको अहिलेको खतरा कम हुँदै गएको बताएका छन् ।
ती देशका अधिकारीहरूले केही समयअघि सार्वजनिक सूचना जारी गर्दै सुमात्रा टापूमा आएको भूकम्पका कारण रहेको भनिएको सुनामीको खतरा हालका लागि टर्दै गएको बताएका छन् ।
सन् २००४ मा आएको सुनामीबाट भारतमा पनि ४५४ व्यक्तिको मृत्यु हुनुका साथै तीन हजार ७३ व्यक्ति बेपत्ता भएका थिए । सो सुनामीले मुम्बईको समुद्री तटमा असर पारेको थियो ।
इन्डोनेसियामा सन् २००४ डिसेम्बर २६ का दिनमा आएको ९.१ रेक्टर स्केलको भूकम्प र त्यसपश्चात् सुनामीबाट दुई लाख ३० हजार व्यक्तिको ज्यान गएको थियो ।
इन्डोनेसियामा हिजो आएको भूकम्प सुरुमा ८.९ रेक्टर स्केलको भएको भनिएपनि अमेरिकी भौगर्भिक सर्वेक्षण संस्थाले आज अपराह्नमा गरेको मापनबाट यो ८.६ स्केलको भएको जनाएको छ । इन्डोनेसियामा सुनामी आउन सक्ने क्षेत्रहरूमा आचे, उत्तरी सुमात्रा, पश्चिमी सुमात्रा, बङ्गकुला र लाम्पुङ्ग रहेको इन्डोनेसियाको भूगर्भशास्त्र तथा जलवायु विभागले जनाएको छ ।
हिजो एसियाका अरू पनि समुद्री तटका बस्तीहरूमा सुनामीको उच्च सतर्कता अपनाइएको बताइएको छ । तर सुनामीका कारण त्यस्तो ठूलो क्षति भने भएन । रासस
इन्डोनेसियाको उत्तरी द्वीपको सुमात्रा टापूनजिकै बुधवार गएको भूकम्पमा परी पाँचजनाको मृत्यु हुनुका साथै चारजना घाइते भएको पछिल्लो समाचार प्राप्त भएको छ ।
हिजोको ८.६ रेक्टर स्केलको शक्तिशाली भूकम्पका कारण आचेह प्रान्तको एक पुल भत्किँदा ती व्यक्तिको मृत्यु भएको आज जनाइएको छ ।
आचेह प्रान्तका विभिन्न तीन स्थानमा गरी पाँचको मृत्यु भएको आचेह प्रान्तको विपत् व्यवस्थापन संस्थाका निर्देशकले आज जानकारी दिएको बताइएको छ ।
सो भूकम्पले बान्दा आचेहको प्रान्तीय राजधानीमा रहेको एक कैदी घरको पर्खाल भत्किएको पनि समाचारमा जनाइएको छ ।
त्यस्तै, पश्चिम आचेहमा पनि एक पुल भत्किएको र त्यसमा परी अरू चार व्यक्ति घाइते भएको पनि समाचारमा जनाइएको छ ।
भूकम्पको ठूलो धक्का परेको तीन प्रान्तहरू आचेह, पश्चिम सुमात्रा र उत्तरी सुमात्रामा भूकम्पपश्चात् पर्ने प्रभावलाई कम गर्न आपत्कालीन सहायता वितरणको कार्य तयारी हालतमा राखिएको सो विपत् व्यवस्थापन केन्द्रले जनाएको छ ।
सो भूकम्पपछि एसियाका विभिन्न देशमा हिजै सुनामीको खतराको सतर्कता अपनाइएको थियो । त्यस्तै थाइल्यान्डले सुनामीको मापन नै गरिएको जनाएको थियो भने श्रीलङ्कामा पनि व्यापक मात्रामा सतर्कता अपनाइएको थियो ।
तर साँझदेखि नै सुनामीको खतरा कम भएको समाचार सार्वजनिक गरिएको थियो । इन्डोनेसियामा आएको शक्तिशाली भूकम्पपछि भारतले पनि सुनामीको खतरा रहेको भन्दै सतर्कता अपनाउन सूचना सार्वजनिक गरेको थियो ।
हिजो साँझ भारतको हैदराबादमा रहेको राष्ट्रिय सुनामी पूर्वसतर्कता केन्द्रले एक सूचना जारी गरी हालका लागि भारतमा सुनामीको खतरा नरहेको बताएको थियो ।
सो केन्द्रका अधिकारी एसए किशोरले भारतमा त्यस्तो उच्च सतर्कता अपनाउनुपर्ने अवस्था नरहेको जानकारी दिएका हुन् ।
यसअघि भारत सरकारले सूचना सार्वजनिक गरी हिन्द महासागरको अन्डमान र निकोबारमा सुनामीको खतरा रहेको बताएको थियो ।
त्यसैगरी हिजै साँझदेखि इन्डोनेसिया र श्रीलङ्काले पनि सुनामीको अहिलेको खतरा कम हुँदै गएको बताएका छन् ।
ती देशका अधिकारीहरूले केही समयअघि सार्वजनिक सूचना जारी गर्दै सुमात्रा टापूमा आएको भूकम्पका कारण रहेको भनिएको सुनामीको खतरा हालका लागि टर्दै गएको बताएका छन् ।
सन् २००४ मा आएको सुनामीबाट भारतमा पनि ४५४ व्यक्तिको मृत्यु हुनुका साथै तीन हजार ७३ व्यक्ति बेपत्ता भएका थिए । सो सुनामीले मुम्बईको समुद्री तटमा असर पारेको थियो ।
इन्डोनेसियामा सन् २००४ डिसेम्बर २६ का दिनमा आएको ९.१ रेक्टर स्केलको भूकम्प र त्यसपश्चात् सुनामीबाट दुई लाख ३० हजार व्यक्तिको ज्यान गएको थियो ।
इन्डोनेसियामा हिजो आएको भूकम्प सुरुमा ८.९ रेक्टर स्केलको भएको भनिएपनि अमेरिकी भौगर्भिक सर्वेक्षण संस्थाले आज अपराह्नमा गरेको मापनबाट यो ८.६ स्केलको भएको जनाएको छ । इन्डोनेसियामा सुनामी आउन सक्ने क्षेत्रहरूमा आचे, उत्तरी सुमात्रा, पश्चिमी सुमात्रा, बङ्गकुला र लाम्पुङ्ग रहेको इन्डोनेसियाको भूगर्भशास्त्र तथा जलवायु विभागले जनाएको छ ।
हिजो एसियाका अरू पनि समुद्री तटका बस्तीहरूमा सुनामीको उच्च सतर्कता अपनाइएको बताइएको छ । तर सुनामीका कारण त्यस्तो ठूलो क्षति भने भएन । रासस