प्रस, वीरगंज, १० मङ्सिर/
मुस्लिम इत्तेहाद सङगठनको विस्तारित बैठकमा आज केही सदस्यहरूमाथि हातपात भएपछि बैठक स्थगित भएको छ।
आगामी पुस २ गते वीरगंजमा हुने भनिएको पाँचौं महाधिवेशनको लागि आज वीरगंज–६ रेशमकोठीमा बसेको विस्तारित कमिटीको बैठकमा ६ जना सदस्यहरूलाई निष्कासन गरिएको पत्र बुझाइएपछि विवाद भएको थियो। विवादकै क्रममा केन्द्रीय सदस्य हलिम शाह र पूर्वमहासचिव ताज महम्मदमाथि हातपात भएको थियो। हातपात बढ्दै दोहोरो भिडन्त भएपछि बैठकस्थलमा प्रहरी पुगेको थियो। हातपातको घटनापछि केहीबेरको लागि स्थगित बैठक पुन: बसेको र सो बैठकमा पूर्वगृहराज्यमन्त्री तथा नेपाल मुस्लिम इत्तेहाद सङगठनका उपाध्यक्ष रिजवान अन्सारीले विधिसम्मतरूपमा महाधिवेशन गर्न आग्रह गरे।
उनले विधानविपरीत निष्कासन गरिएका भनिएका ६ जनाको कारबाई फुकुवा हुनुपर्ने, देशभरिमा रहेका ४२ जिल्लाका सङगठनको निर्वाचन गरेर महाधिवेशन गरिनुपर्ने माग गरेका थिए । आफ्नो कुरा सकिनासाथ नेपाल मुस्लिम इत्तेहाद सङगठनका अध्यक्ष महमुद आलमले बैठक स्थगित गरेको उपाध्यक्ष अन्सारीले प्रतीकलाई बताए।
यसबारेमा अध्यक्ष महमुद आलमले विस्तारित बैठकमा कुनै प्रकारको हुलहुज्जत, हातपात नभएको भनी ढाकछोप गरेका छन्। उनले विधानसम्मतरूपमा तीनपटकसम्म बैठकमा अनुपस्थित रहेको कारण स्वत: पदमुक्त हुने प्रावधानअनुरूप रजमुद्दिन मियाँ, महम्मद हुसैन मियाँ, मुनिरबक्स मियाँ, लैलु नेशा, इस्लाम मियाँ, महफुज अन्सारीलाई डेढ वर्षअगाडि नै पदमुक्त गरेको बताए। उनीहरूलाई दुई महिनाअगाडि सोबारेमा लिखित पत्रद्वारा जानकारी गराइएको दाबी गरे। अध्यक्ष आलमले आज विस्तारित कमिटीको बैठक भएको र पुस २ गते पाँचौं महाधिवेशन गर्ने निर्णय भएको पनि जानकारी गराएका छन्।
तर उपाध्यक्ष रिजवान अन्सारीले भने अध्यक्षले झूट बोलेको र घटनालाई ढाकछोप गर्न खोजेको बताएका छन् । उपाध्यक्ष अन्सारीले विधानविपरीत पदमुक्त गरिएको भनिएका ६ जनालाई आज मात्र बैठकपूर्व पत्र दिने काम हुँदा विवाद भएको बताए। उनीहरूलाई बैठकबारेमा सूचना नै नदिएर एकैपटक पदमुक्त गरेको र आज आकस्मिकरूपमा दुई महिनापूर्वको मितिमा पत्र बुझाउन खोजेको बताए।
मुस्लिम इत्तेहाद सङगठनको विस्तारित बैठकमा आज केही सदस्यहरूमाथि हातपात भएपछि बैठक स्थगित भएको छ।
आगामी पुस २ गते वीरगंजमा हुने भनिएको पाँचौं महाधिवेशनको लागि आज वीरगंज–६ रेशमकोठीमा बसेको विस्तारित कमिटीको बैठकमा ६ जना सदस्यहरूलाई निष्कासन गरिएको पत्र बुझाइएपछि विवाद भएको थियो। विवादकै क्रममा केन्द्रीय सदस्य हलिम शाह र पूर्वमहासचिव ताज महम्मदमाथि हातपात भएको थियो। हातपात बढ्दै दोहोरो भिडन्त भएपछि बैठकस्थलमा प्रहरी पुगेको थियो। हातपातको घटनापछि केहीबेरको लागि स्थगित बैठक पुन: बसेको र सो बैठकमा पूर्वगृहराज्यमन्त्री तथा नेपाल मुस्लिम इत्तेहाद सङगठनका उपाध्यक्ष रिजवान अन्सारीले विधिसम्मतरूपमा महाधिवेशन गर्न आग्रह गरे।
उनले विधानविपरीत निष्कासन गरिएका भनिएका ६ जनाको कारबाई फुकुवा हुनुपर्ने, देशभरिमा रहेका ४२ जिल्लाका सङगठनको निर्वाचन गरेर महाधिवेशन गरिनुपर्ने माग गरेका थिए । आफ्नो कुरा सकिनासाथ नेपाल मुस्लिम इत्तेहाद सङगठनका अध्यक्ष महमुद आलमले बैठक स्थगित गरेको उपाध्यक्ष अन्सारीले प्रतीकलाई बताए।
यसबारेमा अध्यक्ष महमुद आलमले विस्तारित बैठकमा कुनै प्रकारको हुलहुज्जत, हातपात नभएको भनी ढाकछोप गरेका छन्। उनले विधानसम्मतरूपमा तीनपटकसम्म बैठकमा अनुपस्थित रहेको कारण स्वत: पदमुक्त हुने प्रावधानअनुरूप रजमुद्दिन मियाँ, महम्मद हुसैन मियाँ, मुनिरबक्स मियाँ, लैलु नेशा, इस्लाम मियाँ, महफुज अन्सारीलाई डेढ वर्षअगाडि नै पदमुक्त गरेको बताए। उनीहरूलाई दुई महिनाअगाडि सोबारेमा लिखित पत्रद्वारा जानकारी गराइएको दाबी गरे। अध्यक्ष आलमले आज विस्तारित कमिटीको बैठक भएको र पुस २ गते पाँचौं महाधिवेशन गर्ने निर्णय भएको पनि जानकारी गराएका छन्।
तर उपाध्यक्ष रिजवान अन्सारीले भने अध्यक्षले झूट बोलेको र घटनालाई ढाकछोप गर्न खोजेको बताएका छन् । उपाध्यक्ष अन्सारीले विधानविपरीत पदमुक्त गरिएको भनिएका ६ जनालाई आज मात्र बैठकपूर्व पत्र दिने काम हुँदा विवाद भएको बताए। उनीहरूलाई बैठकबारेमा सूचना नै नदिएर एकैपटक पदमुक्त गरेको र आज आकस्मिकरूपमा दुई महिनापूर्वको मितिमा पत्र बुझाउन खोजेको बताए।