प्रस, वीरगंज, १० मङ्सिर/
वर्तमान सरकारले शान्तिप्रक्रियामा एक खुडकिलो उक्लनुबाहेक कुनै उपलब्धि हासिल गर्न नसकेको राप्रपाका अध्यक्ष पशुपति शम्शेर जबराले बताएका छन्। वीरगंजमा आज आयोजित पत्रकार सम्मेलनमा अध्यक्ष जबराले वर्तमान सरकार शान्तिप्रक्रियाको टुङगो लगाएर संविधान बनाउने गरी गठन भएको भए पनि यसले खासै उपलब्धि हासिल नगरेको बताए।
वर्तमान सरकारसँग आमनेपाली जनताले महँगी नियन्त्रण र राहत पाउने आशा राखेकोमा सरकार सो काममा सफल नभएको उनको आरोप थियो । जनतालाई मलखादको सुविधा दिन नसकेको अवस्थामा एकपछि अर्को गरी महँगी बढाउने कार्य भइरहेको र मितव्ययिताको नाममा मुस्ताङ गाडी चढेका प्रधानमन्त्रीले चियापानमा २७ लाख खर्चेर ५० जनाको जम्बो मन्त्रिमण्डल बनाएर मुलुकको ढुकुटी रित्याउने काम मात्र गरेको जबराको आरोप थियो।
एकीकृत माओवादी पार्टीले सरकारको नेतृत्व लिएको भए पनि सोही पार्टीको अर्का एकथरीले जग्गा फिर्ता नगर्ने, लडाकू समायोजनमा व्यवधान उत्पन्न गर्ने जस्ता कार्य गरिरहेको चर्चा गर्दै संविधानसभाको म्याद अन्तिमपटक ६ महिनाको लागि थप भएकोमा स्वागत गरेका थिए। उनले राज्यको पुनर्संरचनाका लागि चार पार्टीले भागबण्डा गरे पनि समिति विज्ञबिनाको गठन भएको आरोप लगाएका थिए।
उनले समितिमा भूगोलविद् र अर्थशास्त्रीको अभाव रहेको पनि बताए । अध्यक्ष जबराले मधेसको हकहितका लागि गठित पार्टीहरूले मधेसको मुद्दालाई थाती राखेर केवल सत्ताको खेलमा लागेको हुँदा मधेस अझैपछि परेको बताए । उनले ५७ वटा सशस्त्र समूह रहेकोमा राजनीतिक धारका सशस्त्र समूहसँग सरकारले अविलम्ब वार्ता गर्नुपर्ने पनि जिकिर गरे।
रौतहटमा जिल्ला भेला उद्घाटनका लागि आएका अध्यक्ष जबराले त्यहाँबाट फर्केर वीरगंजमा पत्रकार सम्मेलन गरेका हुन्। उनले राप्रपा, राप्रपा नेपाल र जनशक्ति पार्टीबीच एकीकरणको प्रयास जारी रहेको बताए। बामपन्थी शक्तिहरू एकीकृत भएको अवस्थामा राप्रपाबाट टुक्रिएका पार्टीहरूबीच एकीकरणबाहेक कुनै उपाय नरहेको पनि उनले जिकिर गरेका थिए।
वर्तमान सरकारले शान्तिप्रक्रियामा एक खुडकिलो उक्लनुबाहेक कुनै उपलब्धि हासिल गर्न नसकेको राप्रपाका अध्यक्ष पशुपति शम्शेर जबराले बताएका छन्। वीरगंजमा आज आयोजित पत्रकार सम्मेलनमा अध्यक्ष जबराले वर्तमान सरकार शान्तिप्रक्रियाको टुङगो लगाएर संविधान बनाउने गरी गठन भएको भए पनि यसले खासै उपलब्धि हासिल नगरेको बताए।
वर्तमान सरकारसँग आमनेपाली जनताले महँगी नियन्त्रण र राहत पाउने आशा राखेकोमा सरकार सो काममा सफल नभएको उनको आरोप थियो । जनतालाई मलखादको सुविधा दिन नसकेको अवस्थामा एकपछि अर्को गरी महँगी बढाउने कार्य भइरहेको र मितव्ययिताको नाममा मुस्ताङ गाडी चढेका प्रधानमन्त्रीले चियापानमा २७ लाख खर्चेर ५० जनाको जम्बो मन्त्रिमण्डल बनाएर मुलुकको ढुकुटी रित्याउने काम मात्र गरेको जबराको आरोप थियो।
एकीकृत माओवादी पार्टीले सरकारको नेतृत्व लिएको भए पनि सोही पार्टीको अर्का एकथरीले जग्गा फिर्ता नगर्ने, लडाकू समायोजनमा व्यवधान उत्पन्न गर्ने जस्ता कार्य गरिरहेको चर्चा गर्दै संविधानसभाको म्याद अन्तिमपटक ६ महिनाको लागि थप भएकोमा स्वागत गरेका थिए। उनले राज्यको पुनर्संरचनाका लागि चार पार्टीले भागबण्डा गरे पनि समिति विज्ञबिनाको गठन भएको आरोप लगाएका थिए।
उनले समितिमा भूगोलविद् र अर्थशास्त्रीको अभाव रहेको पनि बताए । अध्यक्ष जबराले मधेसको हकहितका लागि गठित पार्टीहरूले मधेसको मुद्दालाई थाती राखेर केवल सत्ताको खेलमा लागेको हुँदा मधेस अझैपछि परेको बताए । उनले ५७ वटा सशस्त्र समूह रहेकोमा राजनीतिक धारका सशस्त्र समूहसँग सरकारले अविलम्ब वार्ता गर्नुपर्ने पनि जिकिर गरे।
रौतहटमा जिल्ला भेला उद्घाटनका लागि आएका अध्यक्ष जबराले त्यहाँबाट फर्केर वीरगंजमा पत्रकार सम्मेलन गरेका हुन्। उनले राप्रपा, राप्रपा नेपाल र जनशक्ति पार्टीबीच एकीकरणको प्रयास जारी रहेको बताए। बामपन्थी शक्तिहरू एकीकृत भएको अवस्थामा राप्रपाबाट टुक्रिएका पार्टीहरूबीच एकीकरणबाहेक कुनै उपाय नरहेको पनि उनले जिकिर गरेका थिए।
