दिवाकर भण्डारी, पथलैया, १४ असार/
नेपाल आयल निगमले बरौनी रूटका ६० ट्याङकर रक्सौल रूटमा ल्याउने निर्णय स्थगित गरेकोमा विरोध गर्दै नेपाल पेट्रोलियम ढुवानी व्यवसायी महासङ्घले मङगलवार अमलेखगंजस्थित क्षेत्रीय डिपोमा लोड अनलोड ठप्प पारेको छ।
रूट परिवर्तन गरिएको उक्त निर्णय आयल निगमले एकलौटी ढङगले स्थगित गरेकोमा आफूहरूको आपत्ति रहेको जनाउँदै महासङ्घले त्यसको विरोधमा अमलेखगंज डिपो ठप्प पारेको हो।
निगमको उक्त निर्णयको विरोध गर्दै महासङ्घसम्बद्ध पेट्रोलियम व्यवसायीहरूले बिहानैदेखि अमलेखगंज डिपोमा धर्ना दिएका थिए। उनीहरूले दिनभर डिपोमा पेट्रोलियम पदार्थ लोड अनलोड हुन दिएनन्।
नेपाल पेट्रोलियम ढुवानी व्यवसायी महासङ्घ अन्तर्गत बरौनी–अमलेखगंज रूट व्यवस्थापन समितिका सदस्य विनोद मानन्धरले आयल निगमले रूट परिवर्तन गर्ने निर्णय कार्यान्वयन नगरेसम्म डिपो ठप्प पार्ने चेतावनी दिएका छन्। मानन्धरले निगमको यस्तो निर्णय आफूहरूलाई मान्य नहुने बताए।
निगमले नेपाल पेट्रोलियम ढुवानी व्यवसायी महासङ्घको सिफारिस र उच्चस्तरीय आयोगको प्रतिवेदनको आधारमा यसअघि बरौनी रूटका ६० वटा ट्याङकर रक्सौल रूटमा ल्याउने निर्णय गरेको थियो। तर मध्यमाञ्चल पेट्रोलियम ढुवानी व्यवसायी सङ्घले विरोध जनाएपछि चार दिनअघि निगमले रूट परिवर्तन गर्ने उक्त निर्णय फिर्ता लिएको थियो।
बरौनी–अमलेखगंज रूट व्यवस्थापन समितिका सदस्य मानन्धरले मध्यमाञ्चल पेट्रोलियम ढुवानी व्यवसायी सङ्घको दबाबमा आएर निगमले उक्त निर्णय फिर्ता लिएको बताए । निर्णय स्थगित गर्नुपूर्व निगमले महासङ्घलाई जानकारीसमेत नगराएको उनले बताए ।
मानन्धरले रूट परिवर्तनका विषयमा महासङ्घले मध्यमाञ्चल पेट्रोलियम ढुवानी व्यवसायी सङ्घसँग छलफल गरी सहमति लिएर मात्र बरौनी रूटका ६० वटा ट्याङकर रक्सौल रूटमा ल्याउनका लागि सिफारिस गरेको बताए । मध्यमाञ्चल पेट्रोलियम ढुवानी सङ्घले यसअघि रूट परिवर्तन गराउनका लागि छलफलमा सहमति जनाए पनि निगमले निर्णय गरेलगत्तै विरोध जनाएको मानन्धरको भनाइ छ।
मानन्धरले रक्सौल रूटका लागि स्वीकृत पाएका ६० ट्याङकरले रूट परिवर्तन शुल्कसमेत बुझाएर लोडिङ प्रक्रियामा गइसकेको अवस्थामा निर्णय स्थगित गर्न नहुने बताए। रूट
परिवर्तन गरिएका ट्याङकरको सम्पूर्ण कागज तयार भइसकेको उनले जानकारी दिए।
यसैगरी, निर्णय स्थगित गरेको विरोधमा आन्दोलनरत महासङ्घसम्बद्ध व्यवसायीहरूले मङगलवार रक्सौलबाट लोड भएर आएको एक ट्याङकरलाई अमलेखगंज डिपो प्रवेशमा रोक लगाएपछि केहीबेर तनाव भएको थियो ।
डिपोअगाडि धर्ना दिएर बसेको व्यवसायीले ट्याङकरलाई डिपो छिर्न नदिएपछि रक्सौल रूटका ट्याङकर व्यवसायीले केहीबेर सडक अवरुद्ध पारेका थिए। दुवै पक्षले आ–आफ्नै अडान लिन थालेपछि डिपो क्षेत्र केही समय तनावग्रस्त बनेको थियो।
केही दिनअघि रूट परिवर्तनको विरोधमा मध्यमाञ्चल पेट्रोलियम ढुवानी व्यवसायी सङ्घसम्बद्ध मजदुरले रक्सौलमैं गई लोडिङ ठप्प पारेका थिए। यसैगरी निर्णय स्थगित गरेको विरोधमा महासङ्घसम्बद्ध मजदुरले अमलेखगंज डिपो ठप्प बनाएपछि राजधानीलगायत देशका विभिन्न स्थानमा पेट्रोलियम पदार्थको अभाव बढ्न थालेको छ। डिपो ठप्प बनेपछि तेल ढुवानीका लागि अमलेखगंज डिपो आइपुगेका पेट्रोलियम व्यवसायीहरू अन्योलमा परेका छन्।
अमलेखगंज डिपोका क्षेत्रीय प्रबन्धक रविनकुमार शर्माले भने देशमा तेलको अभाव भइरहेको अवस्थामा यस्ता किसिमका बन्दले विकराल स्थिति पैदा गर्ने बताए। उनले छलफलबाट समाधान हुने विषयलाई लिएर पेट्रोलियम पदार्थ ढुवानी नै बन्द गर्न नहुने उनको भनाइ थियो। प्रबन्धक शर्माले यस विवादलाई टुङगोमा पुर्याउन जिल्ला र केन्द्रबाट दुवै पक्षबीचको वार्ताको प्रयास भइरहेको बताए।
नेपाल आयल निगमले बरौनी रूटका ६० ट्याङकर रक्सौल रूटमा ल्याउने निर्णय स्थगित गरेकोमा विरोध गर्दै नेपाल पेट्रोलियम ढुवानी व्यवसायी महासङ्घले मङगलवार अमलेखगंजस्थित क्षेत्रीय डिपोमा लोड अनलोड ठप्प पारेको छ।
रूट परिवर्तन गरिएको उक्त निर्णय आयल निगमले एकलौटी ढङगले स्थगित गरेकोमा आफूहरूको आपत्ति रहेको जनाउँदै महासङ्घले त्यसको विरोधमा अमलेखगंज डिपो ठप्प पारेको हो।
निगमको उक्त निर्णयको विरोध गर्दै महासङ्घसम्बद्ध पेट्रोलियम व्यवसायीहरूले बिहानैदेखि अमलेखगंज डिपोमा धर्ना दिएका थिए। उनीहरूले दिनभर डिपोमा पेट्रोलियम पदार्थ लोड अनलोड हुन दिएनन्।
नेपाल पेट्रोलियम ढुवानी व्यवसायी महासङ्घ अन्तर्गत बरौनी–अमलेखगंज रूट व्यवस्थापन समितिका सदस्य विनोद मानन्धरले आयल निगमले रूट परिवर्तन गर्ने निर्णय कार्यान्वयन नगरेसम्म डिपो ठप्प पार्ने चेतावनी दिएका छन्। मानन्धरले निगमको यस्तो निर्णय आफूहरूलाई मान्य नहुने बताए।
निगमले नेपाल पेट्रोलियम ढुवानी व्यवसायी महासङ्घको सिफारिस र उच्चस्तरीय आयोगको प्रतिवेदनको आधारमा यसअघि बरौनी रूटका ६० वटा ट्याङकर रक्सौल रूटमा ल्याउने निर्णय गरेको थियो। तर मध्यमाञ्चल पेट्रोलियम ढुवानी व्यवसायी सङ्घले विरोध जनाएपछि चार दिनअघि निगमले रूट परिवर्तन गर्ने उक्त निर्णय फिर्ता लिएको थियो।
बरौनी–अमलेखगंज रूट व्यवस्थापन समितिका सदस्य मानन्धरले मध्यमाञ्चल पेट्रोलियम ढुवानी व्यवसायी सङ्घको दबाबमा आएर निगमले उक्त निर्णय फिर्ता लिएको बताए । निर्णय स्थगित गर्नुपूर्व निगमले महासङ्घलाई जानकारीसमेत नगराएको उनले बताए ।
मानन्धरले रूट परिवर्तनका विषयमा महासङ्घले मध्यमाञ्चल पेट्रोलियम ढुवानी व्यवसायी सङ्घसँग छलफल गरी सहमति लिएर मात्र बरौनी रूटका ६० वटा ट्याङकर रक्सौल रूटमा ल्याउनका लागि सिफारिस गरेको बताए । मध्यमाञ्चल पेट्रोलियम ढुवानी सङ्घले यसअघि रूट परिवर्तन गराउनका लागि छलफलमा सहमति जनाए पनि निगमले निर्णय गरेलगत्तै विरोध जनाएको मानन्धरको भनाइ छ।
मानन्धरले रक्सौल रूटका लागि स्वीकृत पाएका ६० ट्याङकरले रूट परिवर्तन शुल्कसमेत बुझाएर लोडिङ प्रक्रियामा गइसकेको अवस्थामा निर्णय स्थगित गर्न नहुने बताए। रूट
परिवर्तन गरिएका ट्याङकरको सम्पूर्ण कागज तयार भइसकेको उनले जानकारी दिए।
यसैगरी, निर्णय स्थगित गरेको विरोधमा आन्दोलनरत महासङ्घसम्बद्ध व्यवसायीहरूले मङगलवार रक्सौलबाट लोड भएर आएको एक ट्याङकरलाई अमलेखगंज डिपो प्रवेशमा रोक लगाएपछि केहीबेर तनाव भएको थियो ।
डिपोअगाडि धर्ना दिएर बसेको व्यवसायीले ट्याङकरलाई डिपो छिर्न नदिएपछि रक्सौल रूटका ट्याङकर व्यवसायीले केहीबेर सडक अवरुद्ध पारेका थिए। दुवै पक्षले आ–आफ्नै अडान लिन थालेपछि डिपो क्षेत्र केही समय तनावग्रस्त बनेको थियो।
केही दिनअघि रूट परिवर्तनको विरोधमा मध्यमाञ्चल पेट्रोलियम ढुवानी व्यवसायी सङ्घसम्बद्ध मजदुरले रक्सौलमैं गई लोडिङ ठप्प पारेका थिए। यसैगरी निर्णय स्थगित गरेको विरोधमा महासङ्घसम्बद्ध मजदुरले अमलेखगंज डिपो ठप्प बनाएपछि राजधानीलगायत देशका विभिन्न स्थानमा पेट्रोलियम पदार्थको अभाव बढ्न थालेको छ। डिपो ठप्प बनेपछि तेल ढुवानीका लागि अमलेखगंज डिपो आइपुगेका पेट्रोलियम व्यवसायीहरू अन्योलमा परेका छन्।
अमलेखगंज डिपोका क्षेत्रीय प्रबन्धक रविनकुमार शर्माले भने देशमा तेलको अभाव भइरहेको अवस्थामा यस्ता किसिमका बन्दले विकराल स्थिति पैदा गर्ने बताए। उनले छलफलबाट समाधान हुने विषयलाई लिएर पेट्रोलियम पदार्थ ढुवानी नै बन्द गर्न नहुने उनको भनाइ थियो। प्रबन्धक शर्माले यस विवादलाई टुङगोमा पुर्याउन जिल्ला र केन्द्रबाट दुवै पक्षबीचको वार्ताको प्रयास भइरहेको बताए।
