शाान्ति सहमति संविधान माग गर्दै नेपाल पत्रकार महासङ्घ पर्साको अगुवाइमा आज वीरगंजमा बृहत र्याली तथा हस्ताक्षर अभियान सम्पन्न भयो।
नेपाल पत्रकार महासङ्घको सम्पन्न राष्ट्रिय महाधिवेशनले तय गरेको कार्यक्रमअनुसार अभियानको पहिलो दिन आज ‘जनतासँग गरेको वाचा पूरा गर’ मुख्य नारासहित जुलुस प्रदर्शन गरिएको थियो।
जिल्लास्थित विभिन्न राजनीतिक दल, सामाजिक सङ्घ/संस्था, व्यावसायिक एवं व्यापारिक क्षेत्र, बार एशोसिएशन, पेशागत सञ्जाल, अधिकारवादी सङ्घसंस्था, सञ्चार क्षेत्र एवं सञ्चारकर्मीहरूसँग सम्बन्धित विभिन्न सङ्घ/संस्था, नागरिक समाज का अगुवा पदाधिकारी, प्रतिनिधिीहरूको सहभागिता रहेको उक्त र्याली घण्टाघर चोकबाट सुरु भएर नगरको विभिन्न क्षेत्र परिक्रमा गर्दै पुन: घण्टाघर चोकमा आएर कोणसभामा परिणत भएको थियो।
सभालाई सम्बोधन गर्दै सहभागी वक्ताहरूले राजनीतिक दलका नेताहरूको कुर्सी मोहका कारण शान्ति संविधानको प्रक्रिया अगाडि बढ्न नसकेको बताएका छन्। जन दबाबलाई सरकार एवं राजनीतिक दलहरूले बेवास्ता गरे आन्दोलनको आँधी बेहेरी सृजना हुन सक्ने, जनताले निकम्माहरूलाई पाखा लगाएर नयाँ विकल्पको खोजीतर्फ लाग्ने वक्ताहरूले चेतावनी दिएका छन्। “जनताको धैर्यतालाई कमजोर नठान विस्थापित भइसकेकाहरूलाई पुनस्र्थापित गरेर कुर्सीमा पुर्याएको पनि जनशक्तिले नै हो”– वक्ताहरूको कथन थियो।
सो अवसरमा यथास्तिथिमा संविधान सभाको म्याद थप्न नहुने, ठोस निर्णयबिना म्याद थपेमा देशमा भयावह स्तिथि सृजना हुने कार्यक्रमका मुख्य वक्ता तथा नेपाल पत्रकार महासङ्घका मध्यमाञ्चल संयोजक महेश दासले चेतावनी दिएका छन्।
कार्यक्रममा वीरगंज उद्योग वाणिज्य सङ्घका अध्यक्ष अशोक टेमानी, नेपाल बार एसोसिएन पर्सा शाखाका अध्यक्ष विनय सिंह, नागरिक समाजका अध्यक्ष पन्नालाल गुप्ता, ब्रोडकास्टिङग एसोसियसनसका महासचिव दिपेन्द्र चौहानलगायतले मन्तव्य प्रकट
गरेका थिए।
महासङ्घ पर्सा शाखाका अध्यक्ष अशोक तिवारीको सभापत्विमा सम्पन्न कोणसभालाई शाखाका सचिव युवराज खड्काले सहजीकरण गरेका थिए।
सो अवसरमा सङकलन गरिएको हस्ताक्षर सभासदहरूलाई पठाउनका लागि कार्यक्रमका सहभागीहरू जिल्ला प्रशासन कार्यालय पुगेर प्रमुख जिल्ला अधिकारी नागेन्द्र झालाई बुझाएका छन्। हस्ताक्षर बुट्टदै प्रजिअ झाले महासङ्घको दबाब अभियान
प्रभावकारी हुनेमा आफू आशावादी
रहेको बताएका थिए।
सोही क्रममा नेपाल पत्रकार महासङ्घ बाराले मङगलवार सदरमुकाम कलैयामा जुलुस प्रदर्शन गर्दै जिल्ला प्रशासन कार्यालय बारामा हस्ताक्षरसहितको ज्ञापनपत्र बुझाएको छ।
महासङ्घका केन्द्रीय सदस्य महेश दास एवं महासङ्घ बाराका अध्यक्ष लक्ष्मी साहले बाराका प्रमुख जिल्ला अधिकारी वसन्तकुमार उपाध्यायलाई संयुक्तरूपमा ज्ञापनपत्र बुझाएका हुन्। ज्ञापनपत्रको बोधार्थ संविधानसभाको कार्यालय काठमाडौं पठाइने छ। महासङ्घको कार्यालयबाट निस्केको जुलुसले कलैया नगर परिक्रमा गरेको थियो। नगर परिक्रमापछि आयोजित कोणसभामा महासङ्घका केन्द्रीय सदस्य महेश दास, महासङ्घ बाराका अध्यक्ष लक्ष्मी साह, बारा नागरिक समाजका अध्यक्ष सुखप्रसाद चौधरीले निर्धारित समयमैं संविधान जारी गर्न माग गरे। कोणसभाको सञ्चालन महासङ्घ बाराका सचिव जयनारायण यादवले गरेका थिए।
यसैगरी निर्धारित समयमैं संविधान जारी गर्न माग गर्दै नेपाल प्रेस युनियन, बाराले जिल्ला प्रशासन कार्यालय, बारामा हस्ताक्षर सहितको ज्ञापनपत्र बुझाएको छ। युनियन बाराका अध्यक्ष रवीन्द्र सिंहको नेतृत्वमा गएको एक टोलीले बाराका प्रमुख जिल्ला अधिकारी वसन्त कुमार उपाध्यायलाई ज्ञापनपत्र बुझाएको हो।
रौतहट/
नेपाल पत्रकार महासङ्घ जिल्ला कार्य समिति रौतहटले आज हस्ताक्षर अभियान सञ्चालन गरी संविधानसभा अध्यक्ष समक्ष जिल्ला प्रशासन कार्यालय गौरमार्फत् पठाएका छन्। संविधान लेखनका लागि दलहरूलाई दबाब दिने उद्देश्यले केन्द्रीय कार्यक्रम अन्तर्गत हस्ताक्षर अभियान सञ्चालन गरेको नेपाल पत्रकार महासङ्घ रौतहटका सभापति शैलेन्द्रकुमार गुप्ताले बताए।
