प्रस, वीरगंज, ११ जेठ/
संविधानसभाको म्याद थप्न नसके मुलुक ठूलो दुर्घटनामा फस्ने मुख्य तीन राजनीतिक दलका नेताहरूले बताएका छन्।
संविधानसभा अन्योलमा छैन अन्योलमा पार्ने प्रयास भइरहेको छ– नेताहरूको कथन थियो।
पर्सा एफ.एम. प्रा.लि. तथा रेडियो वीरगंज ९९ मेघाहर्ज,
वीरगंज म्युजिकल एफ.एम.द्वारा स्टुडियो परिसरमा आज आयोजित ‘अन्योलमा रहेको संविधानसभा र यसको निकास’ विषयक अन्तक्र्रिया कार्यक्रमका सहभागी नेताहरूले सो कुरा बताएका छन्।
कार्यक्रमका ए. माओवादी भोजपुरा राज्य समितिकी सेक्रेटरी अन्जना विशंखेले परिवर्तनकारी र राष्ट्रियताका पक्षधर शक्तिलाई
जबरजस्ती पछाडि धकेल्ने कार्य भइरहेको भन्दै स्वाधीन राज्य र संविधान निर्माणको मुद्दा एउटै भएको बताइन् ।
“संविधानसभाको म्याद थप्नुको विकल्प छैन तर त्यसभन्दा पहिले दलहरूबीच असहमतिका बुँदा, तिनको समाधानका उपायहरू लिपिबद्ध गरेर मात्र संविधानसभाको म्याद थप्नुपर्छ। त्यसभन्दा पहिले राजनीतिक दल र तिनका नेताहरूले जनतासँग सार्वजनिक माफी माग्नुपर्छ”– सेक्रेटरी विशंखेको कथन थियो।
आफूहरूले नयाँ जनवादी क्रान्तिको ढाँचामा संविधान बनाउन नखोजेको स्पष्ट पार्दै नेतृ विशंखेले जनमतबाट मुलुकको सबैभन्दा ठूलो दल बनिसकेको माओवादीलाई नेपाली काङ्ग्रेस र एमालेले पचाउन नसक्दा समस्या खडा भएको बताएकी छन्।
कार्यक्रमका अर्का वक्ता नेपाली काङ्ग्रेसका नेता रामचन्द्र माइकलले संविधानसभाले वर्तमान अवस्थासम्म आइपुग्दा ठूलो काम गरेको दाबी गर्दै संविधान सभाको म्याद नथपिए मुलुक भीमकाय दुर्घटनामा फँस्न सक्ने चेतावनी दिएका छन्।
संविधानसभाको उपलब्धिलाई जनताले अनुभूत गर्न पाउनेगरी अगाडि बढ्नका लागि नेपाली काङ्ग्रेसले १० बुँदे मार्गचित्र प्रस्तुत गरेको हो। हामीलाई सत्ता चाहिएको होइन, भुइँमा खसेको वस्तु टिप्न खोज्दा गोजीको वस्तु भुइँमा नखसोस्, प्राप्त उपलब्धि पनि नगुमोस् र त्यसको ग्यारेन्टी गरेर मात्र संविधानसभाको म्याद थप्नुपर्छ भनेका छौं।
नेता माइकलले संविधानसभाका सकारात्मक कुराभन्दा नकारात्मक कुराको मात्र बढी हल्ला फिजाइदिने प्रवृत्ति बढेको गुनासो गरेका थिए।
सो अवसरमा एमालेका नेता केदार न्यौपानेले राजतन्त्र फालिसकेपछि दलहरूले साझा मुद्दा बिर्सिएको र सत्ता कब्जा गर्ने होडबाजीमा लागेको तीतो पोख्दै संविधान निर्माण पनि साझा दस्तावेज भएकोले सहमतिबाट मात्रै निर्माण सम्भव हुने बताए।
संविधानसभाको विकल्प संविधानसभा नै हो। संविधान नबन्दै संविधानसभा भङग भए मुलुक कानुनविहीन अवस्थामा पुग्छ। राजनीतिक अन्योल र संविधानहीनताले राष्ट्र असफल हुन्छ र त्यसले सैनिक शासन निम्त्याउँछ।
संविधानसभा अन्योलमा छ, अन्योलमा छैन पनि भन्दै नेता न्यौपानेले दलहरूले अहिले बार्गेनिङग गरिरहेको हुँदा नागरिक समाजले दबाव सृजना गरी दलहरूलाई सकारात्मक बाटोतर्फ लानुपर्नेमा जोड दिएका छन्।
संविधानसभाको म्याद थप्नु पर्ने, त्यसका लागि दलीय सहमतिको विकल्प नभएको कुरामा वक्ताहरू सहमत देखिएका थिए।
रेडियो वीरगंजका प्रबन्ध निर्देशक विनोद प्याकुरेलको अध्यक्षतामा सम्पन्न समारोहमा नेपाल पत्रकार महासङ्घका केन्द्रीय सदस्य तथा मध्यमाञ्चल संयोजक महेश दास, प्रतीक दैनिकका प्रधान सम्पादक जगदीश शर्मा, नेपाल पत्रकार महासङ्घ पर्साका अध्यक्ष अशोक तिवारी, वीरगंज उद्योग वाणिज्य सङ्घका अध्यक्ष अशोक टेमानी, पर्सा बारका अध्यक्ष विनय सिंह र नागरिक समाजका अगुवा अधिवक्ता रामेश्वर सेठाइले मन्तव्य प्रकट गरेका थिए।
सञ्चारकर्मी विवेक खतिवडा र उज्ज्वल घिमिरेले सहजीकरण गरेको अन्तक्र्रिया कार्यक्रममा सहभागीहरूले सोधेको प्रश्नको तीन दलका नेताहरूले जवाफ दिएका थिए।
संविधानसभाको म्याद थप्न नसके मुलुक ठूलो दुर्घटनामा फस्ने मुख्य तीन राजनीतिक दलका नेताहरूले बताएका छन्।
संविधानसभा अन्योलमा छैन अन्योलमा पार्ने प्रयास भइरहेको छ– नेताहरूको कथन थियो।
पर्सा एफ.एम. प्रा.लि. तथा रेडियो वीरगंज ९९ मेघाहर्ज,
वीरगंज म्युजिकल एफ.एम.द्वारा स्टुडियो परिसरमा आज आयोजित ‘अन्योलमा रहेको संविधानसभा र यसको निकास’ विषयक अन्तक्र्रिया कार्यक्रमका सहभागी नेताहरूले सो कुरा बताएका छन्।
कार्यक्रमका ए. माओवादी भोजपुरा राज्य समितिकी सेक्रेटरी अन्जना विशंखेले परिवर्तनकारी र राष्ट्रियताका पक्षधर शक्तिलाई
जबरजस्ती पछाडि धकेल्ने कार्य भइरहेको भन्दै स्वाधीन राज्य र संविधान निर्माणको मुद्दा एउटै भएको बताइन् ।
“संविधानसभाको म्याद थप्नुको विकल्प छैन तर त्यसभन्दा पहिले दलहरूबीच असहमतिका बुँदा, तिनको समाधानका उपायहरू लिपिबद्ध गरेर मात्र संविधानसभाको म्याद थप्नुपर्छ। त्यसभन्दा पहिले राजनीतिक दल र तिनका नेताहरूले जनतासँग सार्वजनिक माफी माग्नुपर्छ”– सेक्रेटरी विशंखेको कथन थियो।
आफूहरूले नयाँ जनवादी क्रान्तिको ढाँचामा संविधान बनाउन नखोजेको स्पष्ट पार्दै नेतृ विशंखेले जनमतबाट मुलुकको सबैभन्दा ठूलो दल बनिसकेको माओवादीलाई नेपाली काङ्ग्रेस र एमालेले पचाउन नसक्दा समस्या खडा भएको बताएकी छन्।
कार्यक्रमका अर्का वक्ता नेपाली काङ्ग्रेसका नेता रामचन्द्र माइकलले संविधानसभाले वर्तमान अवस्थासम्म आइपुग्दा ठूलो काम गरेको दाबी गर्दै संविधान सभाको म्याद नथपिए मुलुक भीमकाय दुर्घटनामा फँस्न सक्ने चेतावनी दिएका छन्।
संविधानसभाको उपलब्धिलाई जनताले अनुभूत गर्न पाउनेगरी अगाडि बढ्नका लागि नेपाली काङ्ग्रेसले १० बुँदे मार्गचित्र प्रस्तुत गरेको हो। हामीलाई सत्ता चाहिएको होइन, भुइँमा खसेको वस्तु टिप्न खोज्दा गोजीको वस्तु भुइँमा नखसोस्, प्राप्त उपलब्धि पनि नगुमोस् र त्यसको ग्यारेन्टी गरेर मात्र संविधानसभाको म्याद थप्नुपर्छ भनेका छौं।
नेता माइकलले संविधानसभाका सकारात्मक कुराभन्दा नकारात्मक कुराको मात्र बढी हल्ला फिजाइदिने प्रवृत्ति बढेको गुनासो गरेका थिए।
सो अवसरमा एमालेका नेता केदार न्यौपानेले राजतन्त्र फालिसकेपछि दलहरूले साझा मुद्दा बिर्सिएको र सत्ता कब्जा गर्ने होडबाजीमा लागेको तीतो पोख्दै संविधान निर्माण पनि साझा दस्तावेज भएकोले सहमतिबाट मात्रै निर्माण सम्भव हुने बताए।
संविधानसभाको विकल्प संविधानसभा नै हो। संविधान नबन्दै संविधानसभा भङग भए मुलुक कानुनविहीन अवस्थामा पुग्छ। राजनीतिक अन्योल र संविधानहीनताले राष्ट्र असफल हुन्छ र त्यसले सैनिक शासन निम्त्याउँछ।
संविधानसभा अन्योलमा छ, अन्योलमा छैन पनि भन्दै नेता न्यौपानेले दलहरूले अहिले बार्गेनिङग गरिरहेको हुँदा नागरिक समाजले दबाव सृजना गरी दलहरूलाई सकारात्मक बाटोतर्फ लानुपर्नेमा जोड दिएका छन्।
संविधानसभाको म्याद थप्नु पर्ने, त्यसका लागि दलीय सहमतिको विकल्प नभएको कुरामा वक्ताहरू सहमत देखिएका थिए।
रेडियो वीरगंजका प्रबन्ध निर्देशक विनोद प्याकुरेलको अध्यक्षतामा सम्पन्न समारोहमा नेपाल पत्रकार महासङ्घका केन्द्रीय सदस्य तथा मध्यमाञ्चल संयोजक महेश दास, प्रतीक दैनिकका प्रधान सम्पादक जगदीश शर्मा, नेपाल पत्रकार महासङ्घ पर्साका अध्यक्ष अशोक तिवारी, वीरगंज उद्योग वाणिज्य सङ्घका अध्यक्ष अशोक टेमानी, पर्सा बारका अध्यक्ष विनय सिंह र नागरिक समाजका अगुवा अधिवक्ता रामेश्वर सेठाइले मन्तव्य प्रकट गरेका थिए।
सञ्चारकर्मी विवेक खतिवडा र उज्ज्वल घिमिरेले सहजीकरण गरेको अन्तक्र्रिया कार्यक्रममा सहभागीहरूले सोधेको प्रश्नको तीन दलका नेताहरूले जवाफ दिएका थिए।