पीडित उत्थानलाई राजन पुरी स्मृतिकप

प्रस, हेटौडा, १२ असोज/
    मकवानपुरको मनहरीमा जारी राजन पुरी स्मृतिकप नकआउट फूटबल प्रतियोगिताको उपाधि पीडित उत्थान युवा क्लब मनहरी-५ प्रतापपुरले हात पारेको छ।
    मङगलवार भएको फाइनल खेलमा पीडित उत्थानले ४/३ गोल अन्तरले सनसाइन युवा क्लब हांडीखोलालाई पराजित गरेको हो। उपाधिको लागि भएको प्रतिस्पर्धामा पीडित उत्थानका केशर बस्नेतले हयाटि्रक गरे भने साजन थापाले १ गोल गरेका छन्। सनसाइनका तर्फाट गणेश राइले २ र कृष्णबहादुर राइले १ गोल गरेका छन्। खेलमा हयाटि्रक गरेका केशर बस्नेत उत्कृष्ट खेलाडीसमेत घोषित भएका छन्। खेल अवधिभर उत्कृष्ट गोलरक्षक मनहरी सामाजिक युवा क्लबका वशीर अहमद, उत्कृष्ट डिफेन्स विकेश लामा, उत्कृष्ट फरवार्ड र सबैभन्दा बढी ७ गोलकर्ता गणेश राइ घोषित भएका छन्। त्यस्तै, अनुशासित टीम सुन्दर सामुदायिक क्लब घोषित भएको छ।
    विजयी भएका तथा उत्कृष्ट खेलाडीहरूलाई मङगलवार जिल्ला खेलकुद विकास समिति, मकवानपुरका सचिव खुशराज दाहालले प्रमाणपत्र तथा शिल्ड प्रदान गरेका थिए। समापन कार्यक्रम आयोजक हरियाली क्लबका अध्यक्ष लक्ष्मण उप्रेतीको अध्यक्षतामा भएको थियो। असोज १ गते सुरु भएको ४ नं क्षेत्रस्तरीय सो प्रतियोगितामा १२ टीम सहभागी थिए।
 

बसामाडी बी सेमिफाइनलमा

प्रस, हेटौडा, १२ असोज/
    मकवानपुरको बसामाडीमा जारी जिल्लास्तरीय नकआउट फूटबल प्रतियोगिता अन्तर्गत मङगलवारको क्वाटरफाइनल खेल बसामाडी सामुदायिक वन उपभोक्ता समूह ँबी’ले जितेको छ।
    राप्ती सामुदायिक वन उपभोक्ता समूहसंग भएको खेलमा दुवै टिमले १/१ गोल गरेपछि टाइबे्रकरको सहायतामा बसामाडीको जीत भएको हो। जीतसंगै बसामाडी बी सेमिफाइनलमा प्रवेश गरेको छ। बुधवार बसामाडी सामुदायिक वन उपभोक्ता समूह ए र लेवट सामुदायिक वन उपभोक्ता समूहबीच पहिलो तथा मङगोलियन युवा क्लब बसामाडी र राप्ती सामुदायिक वन उपभोक्ता समूहबीच दोस्रो खेल हुंदैछ।
सूर्यमुखी इ र हिमचुली विजयी
प्रस, हेटौडा, १२ असोज/
    मकवानपुरको पदमपोखरीमा जारी वडास्तरीय फूटबल प्रतियोगिता अन्तर्गत मङगलवारको खेलमा सूर्यमुखी सहयोगी समूहर् इ र हिमचुली युवा क्लब विजयी भएका छन्।
    सूर्यमुखी सहयोगी समूहर् इ र किसान सेवा युवा क्लबबीच भएको खेलमा सूर्यमुखी ३/२ ले विजयी भएको हो। सूर्यमुखीका तर्फाट केवी लामाले २ तथा आस्मा लामाले १ गोल गरेका थिए। किसान सेवाका तर्फाट विधान लामा र विनय लामाले १/१ गोल गरेका थिए।
    यसैगरी मङगलवार भएको दोस्रो खेलमा हिमचुलीले सगरमाथालाई ६/५ ले पराजित गरेको छ। निर्धारित र थपिएको समयमा पनि दुवै तर्फाट १/१ गोलको बराबरी भएपछि टाइबे्रकरमा हिमचुलीले खेल जितेको हो। बुधवारको पहिलो खेल आरएफसी रमन्थली र जनहित युवा क्लब पदमपोखरी-१ तथा दोस्रोमा सञ्जीवनी युवा क्लब पदमपोखरी-६ र लालीगुरांस युवा क्लब पदमपोखरीबीच प्रतिस्पर्धा हुनेछ। सूर्यमुखी सहयोगी समूह पदमपोखरी-४ को आयोजनामा सञ्चालित प्रतियोगितामा पदमपोखरी गाविसका १४ वटा क्लबहरूले भाग लिएका छन्। प्रतियोगिता १९ गतेसम्म सञ्चालन हुनेछ।