जीतलाल श्रेष्ठ, निजगढ/
बारा र रौतहटको सिमानामा पर्ने धन्सार पुलको निमार्ण कार्य सम्पन्न भएको केही साता पनि नबित्दै कालोपत्रे अर्थात् पक्की सडक भत्किन थालेको छ। पूर्व-पश्चिम राजमार्गमा रहेको धन्सार पुलसंगै जोडिएर दुवै दिशातर्फनिर्माण गरिएको करिब ३ सय मिटर नयां कालोपत्रे पक्की सडकको पिच भत्किएर खाल्टाखुल्टी भएपछि ठेकेदारले आफनो कमजोरी ढाकछोप गर्न सडक टाल्ने कार्य तीव्र गतिमा अघि बढाएको छ। भर्खरै निर्माण गरिएको यो सडकमा यातायातका साधन चल्न थालेको दुइ साता पनि नबित्दै पक्की सडक भत्किएर खाल्टाखुल्टी परेको सो पुल नजिकै राजमार्ग सुरक्षाका लागि खटिएका सशस्त्र प्रहरी सुरक्षा अस्थायी पोस्टका सशस्त्र प्रहरीहरूले बताए। सडक भत्किएर बोल्डर अर्थात् ढुङगासमेत देखिएको छ।
सडकका वर्गीकरण अनुसार पूर्व-पश्चिम राजमार्गमा पर्ने सडकहरू मेजर रोड अर्न्तर्गत पर्ने भएकोले प्राविधिक निर्देशिका बमोजिम काम नभएको देखिएको छ। हामी त ठेकेदारका कर्मचारी हौं, ठेकेदारको निर्देशन अनुसार हामीले काम गर्ने हो तर कन्सल्टेन्ट अर्थात् सडक विभागका प्राविधिकहरूले पनि निर्माणाधीन कार्यको सुपरीभिजन गर्दै निगरानी राखी ठेकेदारलाई चेतावानी दिनुपर्ने हो तर त्यसो गरिएको नपाइएको नाम नछाप्ने शर्तमा ठेकेदार पक्षका कर्मचारीले भने। राजमार्ग निर्माणका क्रममा सडकको प्राविधिक डिजाइन अनुसार क्रमशः रोडा, गिट्टी, चिप्स हुंदै कालोपत्रे गर्नुपर्ने प्राविधिक निर्देशिका भए पनि ठेकेदारले अवैध रकम कमाउन सो प्रक्रिया पूरा नगरेकोले सडक भत्किएको जानकारहरू बताउंछन्।
डिभिजन सडक कार्यालय हेटौंडाका अनुसार यही भदौ मसान्तभित्र ठेकेदारले जसरी भए पनि पुल, सडकको निर्माण कार्य सम्पन्न गर्नुपर्ने भएकोले र सर्फेस डे्रसिङ प्रकारको सडक भएकोले मौसमले साथ नदिएपछि अकासे
पानीका कारण सो सडकमा खाल्टाखुल्टी भई भत्किएको डिभिजन सडक
कार्यालय हेटौंडाका एक इन्जिनियरले बताए।
ठेकेदारले भत्किएको सडकमा चिप्स राख्दै माथिबाट अलकत्राले छोपि दिने मात्र गरेका छन्। टालटुलमा खटिएका ठेकेदारका एकजना कर्मचारीले भने, नेपाल सरकारलाई हस्तान्तरण नगरिकनै सडक भत्कियो कम से कम हस्तान्तरणपछि भत्किएको भए पनि हुन्थ्यो नि, ठेकेदारलाई बचाउ गर्दै भने। यसरी सडक भत्किनाका कारण उनीसंग खोध्दा पानीका कारणले भत्किएको जवाफ दिए पनि भत्किएको सयौं ठाउंमा प्रस्ट ढुङगा देखिएको थियो भने, मसिनो चिप्स र अलकत्राको मात्रा समेत निकै कम देखिएको थियो। जनतासंग प्रत्यक्ष सरोकार राख्ने मुलुकका विभिन्न भाग जोड्ने एक मात्र मुख्य सडकखण्डमा यसरी ठेकेदारले अनावश्यक लाभ कमाउन निर्माण कार्यमा अनियमितता गरेपनि डिभिजन सकड कार्यालय हेटौंडा, सचेत नागरिक, सम्बन्धित निकाय, प्रहरी प्रशासन, सरकार बेखबर रहंदै आएको छ।
२०६२ सालमा नेपाल सरकारले ६ करोड रुपियांमा ठेक्का दिएर १ सय ६५ मिटर लामो पक्की पुल निमार्णसंगै जगत निमार्ण सेवासंग सम्झौता गरी पुल निर्माण कार्यसंगै सडक मरम्मत
कार्य पनि सुरु गरेको थियो। निर्माण कम्पनीका प्रतिनिधि वसन्त सिलवालले उक्त पुल, सडकमा निर्माण कमजोर नभएको बताए पनि सडक भत्किने कार्य भने जारी छ।
सो पुलको उद्घाटन गर्न यही १५ गते प्रधानमन्त्री माधवकुमार नेपाल आउने जानकारी प्राप्त भएको छ।
बारा र रौतहटको सिमानामा पर्ने धन्सार पुलको निमार्ण कार्य सम्पन्न भएको केही साता पनि नबित्दै कालोपत्रे अर्थात् पक्की सडक भत्किन थालेको छ। पूर्व-पश्चिम राजमार्गमा रहेको धन्सार पुलसंगै जोडिएर दुवै दिशातर्फनिर्माण गरिएको करिब ३ सय मिटर नयां कालोपत्रे पक्की सडकको पिच भत्किएर खाल्टाखुल्टी भएपछि ठेकेदारले आफनो कमजोरी ढाकछोप गर्न सडक टाल्ने कार्य तीव्र गतिमा अघि बढाएको छ। भर्खरै निर्माण गरिएको यो सडकमा यातायातका साधन चल्न थालेको दुइ साता पनि नबित्दै पक्की सडक भत्किएर खाल्टाखुल्टी परेको सो पुल नजिकै राजमार्ग सुरक्षाका लागि खटिएका सशस्त्र प्रहरी सुरक्षा अस्थायी पोस्टका सशस्त्र प्रहरीहरूले बताए। सडक भत्किएर बोल्डर अर्थात् ढुङगासमेत देखिएको छ।
सडकका वर्गीकरण अनुसार पूर्व-पश्चिम राजमार्गमा पर्ने सडकहरू मेजर रोड अर्न्तर्गत पर्ने भएकोले प्राविधिक निर्देशिका बमोजिम काम नभएको देखिएको छ। हामी त ठेकेदारका कर्मचारी हौं, ठेकेदारको निर्देशन अनुसार हामीले काम गर्ने हो तर कन्सल्टेन्ट अर्थात् सडक विभागका प्राविधिकहरूले पनि निर्माणाधीन कार्यको सुपरीभिजन गर्दै निगरानी राखी ठेकेदारलाई चेतावानी दिनुपर्ने हो तर त्यसो गरिएको नपाइएको नाम नछाप्ने शर्तमा ठेकेदार पक्षका कर्मचारीले भने। राजमार्ग निर्माणका क्रममा सडकको प्राविधिक डिजाइन अनुसार क्रमशः रोडा, गिट्टी, चिप्स हुंदै कालोपत्रे गर्नुपर्ने प्राविधिक निर्देशिका भए पनि ठेकेदारले अवैध रकम कमाउन सो प्रक्रिया पूरा नगरेकोले सडक भत्किएको जानकारहरू बताउंछन्।
डिभिजन सडक कार्यालय हेटौंडाका अनुसार यही भदौ मसान्तभित्र ठेकेदारले जसरी भए पनि पुल, सडकको निर्माण कार्य सम्पन्न गर्नुपर्ने भएकोले र सर्फेस डे्रसिङ प्रकारको सडक भएकोले मौसमले साथ नदिएपछि अकासे
पानीका कारण सो सडकमा खाल्टाखुल्टी भई भत्किएको डिभिजन सडक
कार्यालय हेटौंडाका एक इन्जिनियरले बताए।
ठेकेदारले भत्किएको सडकमा चिप्स राख्दै माथिबाट अलकत्राले छोपि दिने मात्र गरेका छन्। टालटुलमा खटिएका ठेकेदारका एकजना कर्मचारीले भने, नेपाल सरकारलाई हस्तान्तरण नगरिकनै सडक भत्कियो कम से कम हस्तान्तरणपछि भत्किएको भए पनि हुन्थ्यो नि, ठेकेदारलाई बचाउ गर्दै भने। यसरी सडक भत्किनाका कारण उनीसंग खोध्दा पानीका कारणले भत्किएको जवाफ दिए पनि भत्किएको सयौं ठाउंमा प्रस्ट ढुङगा देखिएको थियो भने, मसिनो चिप्स र अलकत्राको मात्रा समेत निकै कम देखिएको थियो। जनतासंग प्रत्यक्ष सरोकार राख्ने मुलुकका विभिन्न भाग जोड्ने एक मात्र मुख्य सडकखण्डमा यसरी ठेकेदारले अनावश्यक लाभ कमाउन निर्माण कार्यमा अनियमितता गरेपनि डिभिजन सकड कार्यालय हेटौंडा, सचेत नागरिक, सम्बन्धित निकाय, प्रहरी प्रशासन, सरकार बेखबर रहंदै आएको छ।
२०६२ सालमा नेपाल सरकारले ६ करोड रुपियांमा ठेक्का दिएर १ सय ६५ मिटर लामो पक्की पुल निमार्णसंगै जगत निमार्ण सेवासंग सम्झौता गरी पुल निर्माण कार्यसंगै सडक मरम्मत
कार्य पनि सुरु गरेको थियो। निर्माण कम्पनीका प्रतिनिधि वसन्त सिलवालले उक्त पुल, सडकमा निर्माण कमजोर नभएको बताए पनि सडक भत्किने कार्य भने जारी छ।
सो पुलको उद्घाटन गर्न यही १५ गते प्रधानमन्त्री माधवकुमार नेपाल आउने जानकारी प्राप्त भएको छ।
